Plan de formación

PSTD Nova experiencia enogastronómica e incremento da cota de mercado do destino Terras de Santiago

Coñece o programa

Obxectivos do programa

O programa de formación do PSTD Terras de Santiago deséñase cun enfoque integral e aplicado, orientado a mellorar a competitividade do sector enogastronómico do destino a través da profesionalización, a creación de experiencias, a mellora da comercialización e a adaptación a novas demandas do mercado.

Beneficiarios

As accións formativas diríxense a axentes turísticos e produtores do territorio, fomentando a colaboración entre sectores e reforzando a identidade enogastronómica de Terras de Santiago.

Que ofrece o proxecto

O proxecto ofrece o deseño de experiencias turísticas enogastronómicas innovadoras, accións de marketing dixital para mellorar a visibilidade de axentes e produtores, formación especializada para técnicos municipais e axentes dinamizadores, e xornadas presenciais orientadas á dinamización e comercialización do destino.

Estrutura do programa

Inscrición e diagnóstico inicial

Na primeira fase, as empresas e profesionais inscríbense a través do formulario web, indican o tipo de actividade que desenvolven e aceptan os compromisos do programa. Unha vez admitidas, completan un autodiagnóstico en liña e reciben unha visita técnica na que se analizan instalacións, recursos, promoción, persoal e experiencias ofrecidas, para xerar unha primeira fotografía da situación da empresa.

Plan de mellora e itinerario formativo

Coa información do diagnóstico e da visita técnica, o equipo elaborará un plan de mellora personalizado con prioridades, accións recomendadas e calendario orientativo. De xeito paralelo realizarase a asesoria ralacionada coa formación en marketing díxital de modo que se complemente co apartado das experiencias.

Participación nas Xornadas Presenciais de Dinamización

As xornadas presenciais concíbense como espazos de transferencia de coñecemento, networking e dinamización, complementando a formación en liña desenvolvida nos eixes anteriores. Todas as xornadas presenciais do programa desenvolveranse seguindo unha estrutura común, deseñada para combinar a transferencia de coñecemento, a participación activa dos asistentes e a xeración de espazos de relación e networking entre axentes do territorio.

Titoría individual e ajustes de obxectivos

Unha vez completada a parte principal da formación, a empresa recibe acompañamento e titoría individual para revisar o deseño da súa experiencia, resolver dúbidas e adaptar a proposta ao seu mercado obxectivo. Nesta fase axústanse aspectos como o relato, a estrutura da actividade, prezos, canles de comercialización e uso de ferramentas dixitais, en coherencia co plan de mellora.

Peche, avaliación e proxección

Na fase final, a empresa presenta a súa experiencia turística xa estruturada e lista para comezar a comercializarse ou pilotarse no destino. Recibe unha devolución sobre os resultados acadados no programa, formula novos pasos de mellora continua e incorpórase á rede de empresas de Terras de Santiago que están a xerar experiencias turísticas innovadoras e sostibles.

Formación do programa

EIXE 1. Deseño de Experiencias Turísticas Enogastronómicas

Módulo 1. Introdución ao deseño de experiencias turísticas (martes, 5 de maio)

- Introdución á creación de experiencias turísticas diferenciadas.

- Como transformar un servizo nunha experiencia emocional.

- A importancia do patrimonio turístico e a súa vinculación co cliente.

Módulo 2. Dixitalización e turismo: do deseño á vivencia da experiencia (mércores, 6 de maio)

- Impacto da dixitalización no deseño e execución de experiencias.

- Uso de tecnoloxías para personalizar a experiencia do turista.

- A conexión entre a dixitalización e a sustentabilidade no turismo.

Módulo 3. Servizo e atención ao cliente (xoves, 7 de maio)

- A calidade no servizo e a súa evolución na era dixital.

- Como estandarizar a atención ao cliente mediante protocolos.

- Medición da satisfacción do cliente a través de ferramentas como NPS.

Módulo 4. Cooperación empresarial como base para a creación de experiencias turísticas (martes, 12 de maio)

- A cooperación empresarial como clave para xerar sinerxías no turismo.

- Modelos de cooperación que impulsan a innovación e a competitividade.

- Beneficios da cooperación na creación de experiencias turísticas sostibles.

Módulo 5. Técnicas de diferenciación competitiva (mércores, 13 de maio)

- Estratexias de diferenciación para destacar nun mercado turístico saturado.

- Como crear experiencias auténticas e personalizadas para fidelizar os turistas.

- A importancia da innovación e da sustentabilidade na diferenciación competitiva.

EIXE 2. Márketing Dixital para Axentes Turísticos e Produtores

Duración: 20 horas de formación online

Módulo 1. Estratexias de márketing (martes, 19 de maio)

- Introdución ao marketing dixital no sector turístico
- Definición do buyer persona
- Customer journey e embude de conversión

Módulo 2. Medios orgánicos e posicionamento (mércores, 20 de maio)

- UX/UI e experiencia de usuario
- Posicionamento web e SEO
- Estratexia de contidos e redes sociais

Módulo 3. Publicidade dixital e campañas (xoves, 21 de maio)

- Google Ads e campañas Search
- Meta Ads e TikTok Ads
- Analítica web e métricas clave

Módulo 4. Intelixencia artificial aplicada ao marketing (martes, 26 de maio)

- Fundamentos da IA xerativa e LLMs
- Prompt engineering e automatización
- Ferramentas de IA para marketing turístico

Módulo 5. Automatización e aplicación práctica (mércores, 27 de maio)

- Apps verticais e microapps
- Automatización de procesos e fluxos de traballo
- Aplicación práctica da IA no negocio turístico